Tika, Hetuduka
Pītittika, Hetuduka
Nahetupada
Paṭiccādivāra
Paccayacatukka
Hetu-ārammaṇa
107. 365 Pītisahagataṁ nahetuṁ dhammaṁ paṭicca pītisahagato nahetu dhammo uppajjati hetupaccayā. Pītisahagataṁ nahetuṁ dhammaṁ paṭicca sukhasahagato nahetu dhammo uppajjati hetupaccayā. Pītisahagataṁ nahetuṁ dhammaṁ paṭicca pītisahagato nahetu ca sukhasahagato nahetu ca dhammā uppajjanti hetupaccayā. (3)
366 Sukhasahagataṁ nahetuṁ dhammaṁ paṭicca sukhasahagato nahetu dhammo uppajjati hetupaccayā. Sukhasahagataṁ nahetuṁ dhammaṁ paṭicca pītisahagato nahetu dhammo uppajjati hetupaccayā. Sukhasahagataṁ nahetuṁ dhammaṁ paṭicca pītisahagato nahetu ca sukhasahagato nahetu ca dhammā uppajjanti hetupaccayā. (3)
367 Upekkhāsahagataṁ nahetuṁ dhammaṁ paṭicca upekkhāsahagato nahetudhammo uppajjati hetupaccayā. (1)
368 Pītisahagataṁ nahetuñca sukhasahagataṁ nahetuñca dhammaṁ paṭicca pītisahagato nahetu dhammo uppajjati hetupaccayā. Pītisahagataṁ nahetuñca sukhasahagataṁ nahetuñca dhammaṁ paṭicca sukhasahagato nahetu dhammo uppajjati hetupaccayā. Pītisahagataṁ nahetuñca sukhasahagataṁ nahetuñca dhammaṁ paṭicca pītisahagato nahetu ca sukhasahagato nahetu ca dhammā uppajjanti hetupaccayā. (3)
108. 369 Pītisahagataṁ nahetuṁ dhammaṁ paṭicca pītisahagato nahetu dhammo uppajjati ārammaṇapaccayā… tīṇi.
370 Sukhasahagataṁ nahetuṁ dhammaṁ paṭicca sukhasahagato nahetu dhammo uppajjati ārammaṇapaccayā… tīṇi.
371 Upekkhāsahagataṁ nahetuṁ dhammaṁ paṭicca upekkhāsahagato nahetu dhammo uppajjati ārammaṇapaccayā… ekaṁ.
372 Pītisahagataṁ nahetuñca sukhasahagataṁ nahetuñca dhammaṁ paṭicca pītisahagato nahetu dhammo uppajjati ārammaṇapaccayā… tīṇi. (Saṁkhittaṁ.)
109. 373 Hetuyā dasa, ārammaṇe dasa, adhipatiyā dasa, anantare dasa…pe… avigate dasa. (Saṁkhittaṁ.)
374 Nahetuyā dasa, naadhipatiyā dasa…pe… najhāne dve…pe… navippayutte dasa. (Saṁkhittaṁ.)
375 (Sahajātavārampi…pe… sampayuttavārampi vitthāretabbaṁ.)