Tika, Hetuduka
Saṃkiliṭṭhattika, Hetuduka
Nahetupada
Pañhāvāra
Paccayacatukka
Ārammaṇa-adhipati
75. 243 Saṁkiliṭṭhasaṁkilesiko nahetu dhammo saṁkiliṭṭhasaṁkilesikassa nahetussa dhammassa ārammaṇapaccayena paccayo… dve.
244 Asaṁkiliṭṭhasaṁkilesiko nahetu dhammo asaṁkiliṭṭhasaṁkilesikassa nahetussa dhammassa ārammaṇapaccayena paccayo… dve.
245 Asaṁkiliṭṭhaasaṁkilesiko nahetu dhammo asaṁkiliṭṭhaasaṁkilesikassa nahetussa dhammassa ārammaṇapaccayena paccayo… dve.
76. 246 Saṁkiliṭṭhasaṁkilesiko nahetu dhammo saṁkiliṭṭhasaṁkilesikassa nahetussa dhammassa adhipatipaccayena paccayo… tīṇi.
247 Asaṁkiliṭṭhasaṁkilesiko nahetu dhammo asaṁkiliṭṭhasaṁkilesikassa nahetussa dhammassa adhipatipaccayena paccayo… dve.
248 Asaṁkiliṭṭhaasaṁkilesiko nahetu dhammo asaṁkiliṭṭhaasaṁkilesikassa nahetussa dhammassa adhipatipaccayena paccayo… tīṇi. (Saṁkhittaṁ.)
77. 249 Ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, āsevane tīṇi, kamme satta, vipāke cattāri, āhāre satta, indriye jhāne magge satta, sampayutte tīṇi, vippayutte pañca…pe… avigate terasa. (Saṁkhittaṁ.)
250 Nahetuyā cuddasa, naārammaṇe cuddasa. (Saṁkhittaṁ.)
251 Ārammaṇapaccayā nahetuyā cha. (Saṁkhittaṁ.)
252 Nahetupaccayā ārammaṇe cha. (Saṁkhittaṁ.)
253 (Yathā kusalattike pañhāvāraṁ, evaṁ vitthāretabbaṁ.)