Tika, Hetuduka
Saṃkiliṭṭhattika, Hetuduka
Hetupada
Pañhāvāra
Paccayacatukka
Hetu-ārammaṇādi
66. 213 Saṁkiliṭṭhasaṁkilesiko hetu dhammo saṁkiliṭṭhasaṁkilesikassa hetussa dhammassa hetupaccayena paccayo. (1)
214 Asaṁkiliṭṭhasaṁkilesiko hetu dhammo asaṁkiliṭṭhasaṁkilesikassa hetussa dhammassa hetupaccayena paccayo. (1)
215 Asaṁkiliṭṭhaasaṁkilesiko hetu dhammo asaṁkiliṭṭhaasaṁkilesikassa hetussa dhammassa hetupaccayena paccayo. (1)
67. 216 Saṁkiliṭṭhasaṁkilesiko hetu dhammo saṁkiliṭṭhasaṁkilesikassa hetussa dhammassa ārammaṇapaccayena paccayo… dve.
217 Asaṁkiliṭṭhasaṁkilesiko hetu dhammo asaṁkiliṭṭhasaṁkilesikassa hetussa dhammassa ārammaṇapaccayena paccayo… dve.
218 Asaṁkiliṭṭhaasaṁkilesiko hetu dhammo asaṁkiliṭṭhasaṁkilesikassa hetussa dhammassa ārammaṇapaccayena paccayo. (1)
68. 219 Saṁkiliṭṭhasaṁkilesiko hetu dhammo saṁkiliṭṭhasaṁkilesikassa hetussa dhammassa adhipatipaccayena paccayo. (1)
220 Asaṁkiliṭṭhasaṁkilesiko hetu dhammo asaṁkiliṭṭhasaṁkilesikassa hetussa dhammassa adhipatipaccayena paccayo. Asaṁkiliṭṭhasaṁkilesiko hetu dhammo saṁkiliṭṭhasaṁkilesikassa hetussa dhammassa adhipatipaccayena paccayo. (2)
221 Asaṁkiliṭṭhaasaṁkilesiko hetu dhammo asaṁkiliṭṭhaasaṁkilesikassa hetussa dhammassa adhipatipaccayena paccayo… dve.
69. 222 Saṁkiliṭṭhasaṁkilesiko hetu dhammo saṁkiliṭṭhasaṁkilesikassa hetussa dhammassa anantarapaccayena paccayo… cha…pe… .
223 Saṁkiliṭṭhasaṁkilesiko hetu dhammo saṁkiliṭṭhasaṁkilesikassa hetussa dhammassa upanissayapaccayena paccayo. Saṁkiliṭṭhasaṁkilesiko hetu dhammo asaṁkiliṭṭhasaṁkilesikassa hetussa dhammassa upanissayapaccayena paccayo. Saṁkiliṭṭhasaṁkilesiko hetu dhammo asaṁkiliṭṭhaasaṁkilesikassa hetussa dhammassa upanissayapaccayena paccayo. (3)
224 Asaṁkiliṭṭhasaṁkilesiko hetu dhammo asaṁkiliṭṭhasaṁkilesikassa hetussa dhammassa upanissayapaccayena paccayo… tīṇi.
225 Asaṁkiliṭṭhaasaṁkilesiko hetu dhammo asaṁkiliṭṭhaasaṁkilesikassa hetussa dhammassa upanissayapaccayena paccayo… dve. (Saṁkhittaṁ.)
70. 226 Hetuyā tīṇi, ārammaṇe pañca, adhipatiyā pañca, anantare cha, samanantare cha, sahajāte tīṇi, aññamaññe tīṇi, nissaye tīṇi, upanissaye aṭṭha, āsevane tīṇi, vipāke dve, indriye dve, magge dve, sampayutte tīṇi…pe… avigate tīṇi. (Saṁkhittaṁ.)
227 Nahetuyā aṭṭha, naārammaṇe aṭṭha. (Saṁkhittaṁ.)
228 Hetupaccayā naārammaṇe tīṇi. (Saṁkhittaṁ.)
229 Nahetupaccayā ārammaṇe pañca. (Saṁkhittaṁ.)
230 (Yathā kusalattike pañhāvāraṁ, evaṁ vitthāretabbaṁ.)