Tika, Hetuduka
Saṃkiliṭṭhattika, Hetuduka
Hetupada
Paṭiccādivāra
Paccayacatukka
64. 208 Saṁkiliṭṭhasaṁkilesikaṁ hetuṁ dhammaṁ paṭicca saṁkiliṭṭhasaṁkilesiko hetu dhammo uppajjati hetupaccayā. (1)
209 Asaṁkiliṭṭhasaṁkilesikaṁ hetuṁ dhammaṁ paṭicca asaṁkiliṭṭhasaṁkilesiko hetu dhammo uppajjati hetupaccayā. (1)
210 Asaṁkiliṭṭhaasaṁkilesikaṁ hetuṁ dhammaṁ paṭicca asaṁkiliṭṭhaasaṁkilesiko hetu dhammo uppajjati hetupaccayā. (1) (Saṁkhittaṁ.)
65. 211 Hetuyā tīṇi, ārammaṇe tīṇi…pe… vipāke dve…pe… avigate tīṇi. (Saṁkhittaṁ.)
212 Naadhipatiyā tīṇi, napurejāte tīṇi, napacchājāte tīṇi, naāsevane tīṇi, navipāke tīṇi, navippayutte tīṇi. (Saṁkhittaṁ.) (Sahajātavārampi…pe… sampayuttavārampi vitthāretabbaṁ.)