Tika, Hetuduka
Upādinnattika, Hetuduka
Nahetupada
Paṭiccādivāra
Paccayacatukka
59. 192 Upādinnupādāniyaṁ nahetuṁ dhammaṁ paṭicca upādinnupādāniyo nahetu dhammo uppajjati hetupaccayā. Upādinnupādāniyaṁ nahetuṁ dhammaṁ paṭicca anupādinnupādāniyo nahetu dhammo uppajjati hetupaccayā. Upādinnupādāniyaṁ nahetuṁ dhammaṁ paṭicca upādinnupādāniyo nahetu ca anupādinnupādāniyo nahetu ca dhammā uppajjanti hetupaccayā. (3)
193 Anupādinnupādāniyaṁ nahetuṁ dhammaṁ paṭicca anupādinnupādāniyo nahetu dhammo uppajjati hetupaccayā. (1)
194 Anupādinnaanupādāniyaṁ nahetuṁ dhammaṁ paṭicca anupādinnaanupādāniyo nahetu dhammo uppajjati hetupaccayā. Anupādinnaanupādāniyaṁ nahetuṁ dhammaṁ paṭicca anupādinnupādāniyo nahetu dhammo uppajjati hetupaccayā. Anupādinnaanupādāniyaṁ nahetuṁ dhammaṁ paṭicca anupādinnupādāniyo nahetu ca anupādinnaanupādāniyo nahetu ca dhammā uppajjanti hetupaccayā. (3)
195 Upādinnupādāniyaṁ nahetuñca anupādinnupādāniyaṁ nahetuñca dhammaṁ paṭicca anupādinnupādāniyo nahetu dhammo uppajjati hetupaccayā. (1)
196 Anupādinnupādāniyaṁ nahetuñca anupādinnaanupādāniyaṁ nahetuñca dhammaṁ paṭicca anupādinnupādāniyo nahetu dhammo uppajjati hetupaccayā. (1)
60. 197 Upādinnupādāniyaṁ nahetuṁ dhammaṁ paṭicca upādinnupādāniyo nahetu dhammo uppajjati ārammaṇapaccayā. (1)
198 Anupādinnupādāniyaṁ nahetuṁ dhammaṁ paṭicca anupādinnupādāniyo nahetu dhammo uppajjati ārammaṇapaccayā. (1)
199 Anupādinnaanupādāniyaṁ nahetuṁ dhammaṁ paṭicca anupādinnaanupādāniyo nahetu dhammo uppajjati ārammaṇapaccayā. (1) (Saṁkhittaṁ.)
61. 200 Hetuyā nava, ārammaṇe tīṇi, adhipatiyā pañca, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane dve, kamme nava, vipāke nava…pe… avigate nava. (Saṁkhittaṁ.)