Tika, Hetuduka
Vedanāttika, Hetuduka
Nahetupada
Pañhāvāra
Paccayacatukka
Anantara-upanissaya
34. 111 Sukhāya vedanāya sampayutto nahetu dhammo sukhāya vedanāya sampayuttassa nahetussa dhammassa anantarapaccayena paccayo… dve.
112 Dukkhāya vedanāya sampayutto nahetu dhammo dukkhāya vedanāya sampayuttassa nahetussa dhammassa anantarapaccayena paccayo… dve.
113 Adukkhamasukhāya vedanāya sampayutto nahetu dhammo adukkhamasukhāya vedanāya sampayuttassa nahetussa dhammassa anantarapaccayena paccayo… tīṇi…pe… .
35. 114 Sukhāya vedanāya sampayutto nahetu dhammo sukhāya vedanāya sampayuttassa nahetussa dhammassa upanissayapaccayena paccayo… tīṇi.
115 Dukkhāya vedanāya sampayutto nahetu dhammo dukkhāya vedanāya sampayuttassa nahetussa dhammassa upanissayapaccayena paccayo… tīṇi.
116 Adukkhamasukhāya vedanāya sampayutto nahetu dhammo adukkhamasukhāya vedanāya sampayuttassa nahetussa dhammassa upanissayapaccayena paccayo… tīṇi. (Saṁkhittaṁ.)
36. 117 Ārammaṇe nava, adhipatiyā pañca, anantare satta, samanantare satta, sahajāte tīṇi, aññamaññe tīṇi, nissaye tīṇi, upanissaye nava, āsevane tīṇi, kamme aṭṭha, vipāke tīṇi, āhāre tīṇi, indriye tīṇi, jhāne tīṇi, magge tīṇi, sampayutte tīṇi, atthiyā tīṇi, natthiyā satta, vigate satta, avigate tīṇi. (Saṁkhittaṁ.)
118 Nahetuyā nava, naārammaṇe nava. (Saṁkhittaṁ.)
119 Ārammaṇapaccayā nahetuyā nava. (Saṁkhittaṁ.)
120 Nahetupaccayā ārammaṇe nava. (Saṁkhittaṁ.)
121 (Yathā kusalattike pañhāvāraṁ, evaṁ vitthāretabbaṁ.)