Tika, Hetuduka
Atītattika, Hetuduka
Hetupada
Pañhāvāra
Paccayacatukka
210. 801 Paccuppanno hetu dhammo paccuppannassa hetussa dhammassa hetupaccayena paccayo. (1)
802 Atīto hetu dhammo paccuppannassa hetussa dhammassa ārammaṇapaccayena paccayo. Anāgato hetu dhammo paccuppannassa hetussa dhammassa ārammaṇapaccayena paccayo. (2) (Saṁkhittaṁ.)
211. 803 Hetuyā ekaṁ, ārammaṇe dve, adhipatiyā tīṇi…pe… sahajāte ekaṁ, aññamaññe ekaṁ, nissaye ekaṁ, upanissaye dve…pe… vipāke ekaṁ, indriye ekaṁ, magge ekaṁ, sampayutte ekaṁ, atthiyā ekaṁ…pe… avigate ekaṁ. (Saṁkhittaṁ.)
804 Nahetuyā dve, naārammaṇe dve. (Saṁkhittaṁ.)
805 Hetupaccayā naārammaṇe ekaṁ. (Saṁkhittaṁ.)
806 Nahetupaccayā ārammaṇe dve. (Saṁkhittaṁ.)