Tika, Hetuduka
Maggārammaṇattika, Hetuduka
Nahetupada
Paṭiccādivāra
Paccayacatukka
Hetu
197. 747 Maggārammaṇaṁ nahetuṁ dhammaṁ paṭicca maggārammaṇo nahetu dhammo uppajjati hetupaccayā. Maggārammaṇaṁ nahetuṁ dhammaṁ paṭicca maggādhipati nahetu dhammo uppajjati hetupaccayā. Maggārammaṇaṁ nahetuṁ dhammaṁ paṭicca maggārammaṇo nahetu ca maggādhipati nahetu ca dhammā uppajjanti hetupaccayā. (3)
748 Maggahetukaṁ nahetuṁ dhammaṁ paṭicca maggahetuko nahetu dhammo uppajjati hetupaccayā. Maggahetukaṁ nahetuṁ dhammaṁ paṭicca maggādhipati nahetu dhammo uppajjati hetupaccayā. Maggahetukaṁ nahetuṁ dhammaṁ paṭicca maggahetuko nahetu ca maggādhipati nahetu ca dhammā uppajjanti hetupaccayā. (3)
749 Maggādhipatiṁ nahetuṁ dhammaṁ paṭicca maggādhipati nahetu dhammo uppajjati hetupaccayā. Maggādhipatiṁ nahetuṁ dhammaṁ paṭicca maggārammaṇo nahetu dhammo uppajjati hetupaccayā. Maggādhipatiṁ nahetuṁ dhammaṁ paṭicca maggahetuko nahetu dhammo uppajjati hetupaccayā. Maggādhipatiṁ nahetuṁ dhammaṁ paṭicca maggārammaṇo nahetu ca maggādhipati nahetu ca dhammā uppajjanti hetupaccayā. Maggādhipatiṁ nahetuṁ dhammaṁ paṭicca maggahetuko nahetu ca maggādhipati nahetu ca dhammā uppajjanti hetupaccayā. (5)
750 Maggārammaṇaṁ nahetuñca maggādhipatiṁ nahetuñca dhammaṁ paṭicca maggārammaṇo nahetu dhammo uppajjati hetupaccayā. Maggārammaṇaṁ nahetuñca maggādhipatiṁ nahetuñca dhammaṁ paṭicca maggādhipati nahetu dhammo uppajjati hetupaccayā. Maggārammaṇaṁ nahetuñca maggādhipatiṁ nahetuñca dhammaṁ paṭicca maggārammaṇo nahetu ca maggādhipati nahetu ca dhammā uppajjanti hetupaccayā. (3)
751 Maggahetukaṁ nahetuñca maggādhipatiṁ nahetuñca dhammaṁ paṭicca maggahetuko nahetu dhammo uppajjati hetupaccayā. Maggahetukaṁ nahetuñca maggādhipatiṁ nahetuñca dhammaṁ paṭicca maggādhipati nahetu dhammo uppajjati hetupaccayā. Maggahetukaṁ nahetuñca maggādhipatiṁ nahetuñca dhammaṁ paṭicca maggahetuko nahetu ca maggādhipati nahetu ca dhammā uppajjanti hetupaccayā. (3) (Saṁkhittaṁ.)
198. 752 Hetuyā sattarasa, ārammaṇe sattarasa…pe… avigate sattarasa. (Saṁkhittaṁ.)