Tika, Hetuduka
Micchattaniyatattika, Hetuduka
Nahetupada
Paṭiccādivāra
Paccanīya
Ārammaṇa-adhipati-anantara
189. 704 Micchattaniyato nahetu dhammo aniyatassa nahetussa dhammassa ārammaṇapaccayena paccayo. (1)
705 Sammattaniyato nahetu dhammo aniyatassa nahetussa dhammassa ārammaṇapaccayena paccayo. (1)
706 Aniyato nahetu dhammo aniyatassa nahetussa dhammassa ārammaṇapaccayena paccayo. Aniyato nahetu dhammo micchattaniyatassa nahetussa dhammassa ārammaṇapaccayena paccayo. Aniyato nahetu dhammo sammattaniyatassa nahetussa dhammassa ārammaṇapaccayena paccayo. (3)
190. 707 Micchattaniyato nahetu dhammo micchattaniyatassa nahetussa dhammassa adhipatipaccayena paccayo… tīṇi.
708 Sammattaniyato nahetu dhammo sammattaniyatassa nahetussa dhammassa adhipatipaccayena paccayo. Sammattaniyato nahetu dhammo aniyatassa nahetussa dhammassa adhipatipaccayena paccayo. Sammattaniyato nahetu dhammo sammattaniyatassa nahetussa ca aniyatassa nahetussa ca dhammassa adhipatipaccayena paccayo. (3)
709 Aniyato nahetu dhammo aniyatassa nahetussa dhammassa adhipatipaccayena paccayo. Aniyato nahetu dhammo sammattaniyatassa nahetussa dhammassa adhipatipaccayena paccayo. (2)
710 Micchattaniyato nahetu dhammo aniyatassa nahetussa dhammassa anantarapaccayena paccayo. (1)
711 Sammattaniyato nahetu dhammo aniyatassa nahetussa dhammassa anantarapaccayena paccayo. (1)
712 Aniyato nahetu dhammo aniyatassa nahetussa dhammassa anantarapaccayena paccayo. Aniyato nahetu dhammo micchattaniyatassa nahetussa dhammassa anantarapaccayena paccayo. Aniyato nahetu dhammo sammattaniyatassa nahetussa dhammassa anantarapaccayena paccayo. (3) (Saṁkhittaṁ.)
191. 713 Ārammaṇe pañca, adhipatiyā aṭṭha, anantare pañca, samanantare pañca, sahajāte nava, aññamaññe tīṇi, nissaye terasa, upanissaye satta, purejāte pacchājāte āsevane tīṇi, kamme satta, vipāke ekaṁ, āhāre indriye jhāne magge satta, sampayutte tīṇi, vippayutte pañca…pe… avigate terasa. (Saṁkhittaṁ.)
714 Nahetuyā terasa, naārammaṇe terasa, naadhipatiyā terasa. (Saṁkhittaṁ.)
715 Ārammaṇapaccayā nahetuyā pañca. (Saṁkhittaṁ.)
716 Nahetupaccayā ārammaṇe pañca. (Saṁkhittaṁ.)
717 (Yathā kusalattike pañhāvāraṁ, evaṁ vitthāretabbaṁ.)