Hetu-ārammaṇādi

Tika, Hetuduka

Hīnattika, Hetuduka

Hetupada

Paṭiccādivāra

Paccayacatukka

Hetu-ārammaṇādi

176. 648 Hīno hetu dhammo hīnassa hetussa dhammassa hetupaccayena paccayo. (1)

649 Majjhimo hetu dhammo majjhimassa hetussa dhammassa hetupaccayena paccayo. (1)

650 Paṇīto hetu dhammo paṇītassa hetussa dhammassa hetupaccayena paccayo. (1)

651 Hīno hetu dhammo hīnassa hetussa dhammassa ārammaṇapaccayena paccayo. Hīno hetu dhammo majjhimassa hetussa dhammassa ārammaṇapaccayena paccayo. (2)

652 Majjhimo hetu dhammo majjhimassa hetussa dhammassa ārammaṇapaccayena paccayo. Majjhimo hetu dhammo hīnassa hetussa dhammassa ārammaṇapaccayena paccayo. (2)

653 Paṇīto hetu dhammo majjhimassa hetussa dhammassa ārammaṇapaccayena paccayo. (1)

177. 654 Hīno hetu dhammo hīnassa hetussa dhammassa adhipatipaccayena paccayo. (1)

655 Majjhimo hetu dhammo majjhimassa hetussa dhammassa adhipatipaccayena paccayo. Majjhimo hetu dhammo hīnassa hetussa dhammassa adhipatipaccayena paccayo. (2)

656 Paṇīto hetu dhammo paṇītassa hetussa dhammassa adhipatipaccayena paccayo. Paṇīto hetu dhammo majjhimassa hetussa dhammassa adhipatipaccayena paccayo. (2)

657 Hīno hetu dhammo hīnassa hetussa dhammassa anantarapaccayena paccayo…  dve.

658 Majjhimo hetu dhammo majjhimassa hetussa dhammassa anantarapaccayena paccayo…  dve.

659 Paṇīto hetu dhammo paṇītassa hetussa dhammassa anantarapaccayena paccayo…  dve. (Saṃkhittaṃ.)

178. 660 Hetuyā tīṇi, ārammaṇe pañca, adhipatiyā pañca, anantare cha, samanantare cha, sahajāte tīṇi, aññamaññe tīṇi, nissaye tīṇi, upanissaye aṭṭha, āsevane tīṇi, vipāke indriye magge dve, sampayutte tīṇi…pe…  avigate tīṇi. (Saṃkhittaṃ.)

661 Nahetuyā aṭṭha, naārammaṇe aṭṭha. (Saṃkhittaṃ.)

662 Hetupaccayā naārammaṇe tīṇi. (Saṃkhittaṃ.)

663 Nahetupaccayā ārammaṇe pañca. (Saṃkhittaṃ.)

664 (Yathā kusalattike pañhāvāraṃ, evaṃ vitthāretabbaṃ.)