Hetu

167. 611 Parittārammaṇaṁ hetuṁ dhammaṁ paṭicca parittārammaṇo hetu dhammo uppajjati hetupaccayā. (1)

612 Mahaggatārammaṇaṁ hetuṁ dhammaṁ paṭicca mahaggatārammaṇo hetu dhammo uppajjati hetupaccayā. (1)

613 Appamāṇārammaṇaṁ hetuṁ dhammaṁ paṭicca appamāṇārammaṇo hetu dhammo uppajjati hetupaccayā. (1) (Saṁkhittaṁ.)

614 Hetuyā tīṇi, ārammaṇe tīṇi…pe… vigate tīṇi, avigate tīṇi. (Saṁkhittaṁ.)

615 Naadhipatiyā tīṇi, napurejāte tīṇi, napacchājāte tīṇi, naāsevane tīṇi, navipāke tīṇi, navippayutte tīṇi. (Saṁkhittaṁ.)

616 (Sahajātavārampi…pe… sampayuttavārampi paṭiccavārasadisaṁ vitthāretabbaṁ.)