Tika, Hetuduka
Sekkhattika, Hetuduka
Nahetupada
Paṭiccādivāra
Paccayacatukka
Hetu-ārammaṇa
153. 542 Sekkhaṁ nahetuṁ dhammaṁ paṭicca sekkho nahetu dhammo uppajjati hetupaccayā. Sekkhaṁ nahetuṁ dhammaṁ paṭicca nevasekkhanāsekkho nahetu dhammo uppajjati hetupaccayā. Sekkhaṁ nahetuṁ dhammaṁ paṭicca sekkho nahetu ca nevasekkhanāsekkho nahetu ca dhammā uppajjanti hetupaccayā. (3)
543 Asekkhaṁ nahetuṁ dhammaṁ paṭicca asekkho nahetu dhammo uppajjati hetupaccayā… tīṇi.
544 Nevasekkhanāsekkhaṁ nahetuṁ dhammaṁ paṭicca nevasekkhanāsekkho nahetu dhammo uppajjati hetupaccayā. (1)
545 Sekkhaṁ nahetuñca nevasekkhanāsekkhaṁ nahetuñca dhammaṁ paṭicca nevasekkhanāsekkho nahetu dhammo uppajjati hetupaccayā. (1)
546 Asekkhaṁ nahetuñca nevasekkhanāsekkhaṁ nahetuñca dhammaṁ paṭicca nevasekkhanāsekkho nahetu dhammo uppajjati hetupaccayā. (1)
154. 547 Sekkhaṁ nahetuṁ dhammaṁ paṭicca sekkho nahetu dhammo uppajjati ārammaṇapaccayā. (1)
548 Asekkhaṁ nahetuṁ dhammaṁ paṭicca asekkho nahetu dhammo uppajjati ārammaṇapaccayā. (1)
549 Nevasekkhanāsekkhaṁ nahetuṁ dhammaṁ paṭicca nevasekkhanāsekkho nahetu dhammo uppajjati ārammaṇapaccayā. (1) (Saṁkhittaṁ.)
550 Hetuyā nava, ārammaṇe tīṇi, adhipatiyā nava…pe… āsevane dve…pe… avigate nava. (Saṁkhittaṁ.)