Hetu

146. 517 Sekkhaṁ hetuṁ dhammaṁ paṭicca sekkho hetu dhammo uppajjati hetupaccayā. (1)

518 Asekkhaṁ hetuṁ dhammaṁ paṭicca asekkho hetu dhammo uppajjati hetupaccayā. (1)

519 Nevasekkhanāsekkhaṁ hetuṁ dhammaṁ paṭicca nevasekkhanāsekkho hetu dhammo uppajjati hetupaccayā. (1) (Saṁkhittaṁ.)

147. 520 Hetuyā tīṇi, ārammaṇe tīṇi, adhipatiyā tīṇi…pe… āsevane dve…pe… avigate tīṇi. (Saṁkhittaṁ.)

521 Naadhipatiyā tīṇi, napurejāte tīṇi, napacchājāte tīṇi, naāsevane tīṇi, navipāke dve, navippayutte tīṇi. (Saṁkhittaṁ.)

522 Hetupaccayā naadhipatiyā tīṇi. (Saṁkhittaṁ.)

523 Naadhipatipaccayā hetuyā tīṇi. (Saṁkhittaṁ.)

524 (Sahajātavārampi…pe… sampayuttavārampi vitthāretabbaṁ.)