Tika, Hetuduka
Kusalattika, Hetuduka
Hetupada
Pañhāvāra
Paccanīyuddhāra
13. 37 Kusalo hetu dhammo kusalassa hetussa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. Kusalo hetu dhammo akusalassa hetussa dhammassa ārammaṇapaccayena paccayo… upanissayapaccayena paccayo. Kusalo hetu dhammo abyākatassa hetussa dhammassa ārammaṇapaccayena paccayo… upanissayapaccayena paccayo. (3)
38 Akusalo hetu dhammo akusalassa hetussa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. Akusalo hetu dhammo kusalassa hetussa dhammassa ārammaṇapaccayena paccayo… upanissayapaccayena paccayo. Akusalo hetu dhammo abyākatassa hetussa dhammassa ārammaṇapaccayena paccayo… upanissayapaccayena paccayo. (3)
39 Abyākato hetu dhammo abyākatassa hetussa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (Saṁkhittaṁ.)
14. 40 Nahetuyā nava, naārammaṇe nava. (Saṁkhittaṁ.)
41 Hetupaccayā naārammaṇe tīṇi. (Saṁkhittaṁ.)
42 Nahetupaccayā ārammaṇe nava. (Saṁkhittaṁ.)
43 (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)