Parāmāsagocchaka, Kusalattika
Parāmāsavippayuttaparāmaṭṭhaduka, Kusalattika
Paṭiccādivāra
Paccayacatukka
Hetu
31. 2010 Parāmāsavippayuttaṁ parāmaṭṭhaṁ kusalaṁ dhammaṁ paṭicca parāmāsavippayutto parāmaṭṭho kusalo dhammo uppajjati hetupaccayā. (1)
2011 Parāmāsavippayuttaṁ aparāmaṭṭhaṁ kusalaṁ dhammaṁ paṭicca parāmāsavippayutto aparāmaṭṭho kusalo dhammo uppajjati hetupaccayā. (1) (Saṁkhittaṁ.)
32. 2012 Hetuyā dve, ārammaṇe dve…pe… avigate dve. (Saṁkhittaṁ. Lokiyalokuttaradukasadisaṁ. Sahajātavāropi…pe… pañhāvāropi vitthāretabbā.)
33. 2013 Parāmāsavippayuttaṁ parāmaṭṭhaṁ akusalaṁ dhammaṁ paṭicca parāmāsavippayutto parāmaṭṭho akusalo dhammo uppajjati hetupaccayā. (Sabbattha ekaṁ.)
34. 2014 Parāmāsavippayuttaṁ parāmaṭṭhaṁ abyākataṁ dhammaṁ paṭicca parāmāsavippayutto parāmaṭṭho abyākato dhammo uppajjati hetupaccayā. (1)
2015 Parāmāsavippayuttaṁ aparāmaṭṭhaṁ abyākataṁ dhammaṁ paṭicca parāmāsavippayutto aparāmaṭṭho abyākato dhammo uppajjati hetupaccayā… tīṇi.
2016 Parāmāsavippayuttaṁ parāmaṭṭhaṁ abyākatañca parāmāsavippayuttaṁ aparāmaṭṭhaṁ abyākatañca dhammaṁ paṭicca parāmāsavippayutto parāmaṭṭho abyākato dhammo uppajjati hetupaccayā. (1) (Saṁkhittaṁ.)
35. 2017 Hetuyā pañca, ārammaṇe dve…pe… āsevane ekaṁ…pe… avigate pañca. (Saṁkhittaṁ. Lokiyadukasadisaṁ. Sahajātavārampi…pe… pañhāvārampi vitthāretabbaṁ.)
2018 Parāmāsagocchakakusalattikaṁ niṭṭhitaṁ.