Hetu

Parāmāsagocchaka, Kusalattika

Parāmāsaduka, Kusalattika

Paṭiccādivāra

Paccayacatukka

Hetu

1. 1959 Noparāmāsaṁ kusalaṁ dhammaṁ paṭicca noparāmāso kusalo dhammo uppajjati hetupaccayā. (Saṁkhittaṁ.)

2. 1960 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)

1961 (Sahajātavārepi…pe… pañhāvārepi sabbattha ekaṁ.)

3. 1962 Parāmāsaṁ akusalaṁ dhammaṁ paṭicca noparāmāso akusalo dhammo uppajjati hetupaccayā. (1)

1963 Noparāmāsaṁ akusalaṁ dhammaṁ paṭicca noparāmāso akusalo dhammo uppajjati hetupaccayā… tīṇi.

1964 Parāmāsaṁ akusalañca noparāmāsaṁ akusalañca dhammaṁ paṭicca noparāmāso akusalo dhammo uppajjati hetupaccayā. (1) (Saṁkhittaṁ.)

4. 1965 Hetuyā pañca, ārammaṇe pañca…pe… avigate pañca. (Saṁkhittaṁ.)

1966 Nahetuyā ekaṁ, naadhipatiyā pañca, napurejāte pañca, napacchājāte pañca…pe… nakamme tīṇi…pe… navippayutte pañca. (Saṁkhittaṁ.) (Sahajātavārampi…pe… sampayuttavārampi vitthāretabbaṁ.)

5. 1967 Noparāmāso akusalo dhammo noparāmāsassa akusalassa dhammassa hetupaccayena paccayo. (Saṁkhittaṁ.)

6. 1968 Hetuyā tīṇi, ārammaṇe nava, adhipatiyā nava…pe… sahajāte aññamaññe nissaye pañca, upanissaye āsevane nava, kamme āhāre indriye jhāne tīṇi, magge sampayutte pañca…pe… avigate pañca. (Saṁkhittaṁ.)

1969 (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)

7. 1970 Noparāmāsaṁ abyākataṁ dhammaṁ paṭicca noparāmāso abyākato dhammo uppajjati hetupaccayā. (Saṁkhittaṁ.)

8. 1971 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)

1972 (Sahajātavārepi…pe… pañhāvārepi sabbattha ekaṁ.)