Nīvaraṇagocchaka, Kusalattika
Nīvaraṇaduka, Kusalattika
Paṭiccādivāra
Paccanīya
Nahetu
5. 1901 Nīvaraṇaṁ akusalaṁ dhammaṁ paṭicca nīvaraṇo akusalo dhammo uppajjati nahetupaccayā— vicikicchānīvaraṇaṁ uddhaccanīvaraṇaṁ paṭicca avijjānīvaraṇaṁ. (1)
1902 Nonīvaraṇaṁ akusalaṁ dhammaṁ paṭicca nīvaraṇo akusalo dhammo uppajjati nahetupaccayā— vicikicchāsahagate uddhaccasahagate khandhe paṭicca avijjānīvaraṇaṁ. (1)
1903 Nīvaraṇañca nonīvaraṇañca akusalaṁ dhammaṁ paṭicca nīvaraṇo akusalo dhammo uppajjati nahetupaccayā— vicikicchānīvaraṇañca uddhaccanīvaraṇañca sampayuttake ca khandhe paṭicca avijjānīvaraṇaṁ. (1) (Saṁkhittaṁ.)
6. 1904 Nahetuyā tīṇi, naadhipatiyā nava, napurejāte nava…pe… nakamme tīṇi…pe… navippayutte nava. (Saṁkhittaṁ.)
1905 (Sahajātavārepi… sampayuttavārepi sabbattha nava.)
7. 1906 Nīvaraṇo akusalo dhammo nīvaraṇassa akusalassa dhammassa hetupaccayena paccayo. (Saṁkhittaṁ.)
8. 1907 Hetuyā tīṇi, ārammaṇe nava, adhipatiyā nava…pe… āsevane nava, kamme āhāre indriye jhāne magge tīṇi, sampayutte nava…pe… avigate nava. (Saṁkhittaṁ.)
1908 Nahetuyā nava, naārammaṇe nava. (Saṁkhittaṁ.)
1909 Hetupaccayā naārammaṇe tīṇi. (Saṁkhittaṁ.)
1910 Nahetupaccayā ārammaṇe nava. (Saṁkhittaṁ.)
1911 (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
9. 1912 Nonīvaraṇaṁ abyākataṁ dhammaṁ paṭicca nonīvaraṇo abyākato dhammo uppajjati hetupaccayā. (Saṁkhittaṁ.)
10. 1913 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)
1914 (Sahajātavārepi…pe… pañhāvārepi sabbattha ekaṁ.)