Ganthagocchaka, Kusalattika
Ganthaganthaniyaduka, Kusalattika
Paṭiccādivāra
Paccayacatukka
Hetu
24. 1847 Ganthaniyañceva no ca ganthaṁ kusalaṁ dhammaṁ paṭicca ganthaniyo ceva no ca gantho kusalo dhammo uppajjati hetupaccayā. (1) (Saṁkhittaṁ.)
25. 1848 Hetuyā ekaṁ, ārammaṇe ekaṁ, avigate ekaṁ.
1849 (Sahajātavārepi…pe… pañhāvārepi sabbattha ekaṁ.)
26. 1850 Ganthañceva ganthaniyañca akusalaṁ dhammaṁ paṭicca gantho ceva ganthaniyo ca akusalo dhammo uppajjati hetupaccayā… tīṇi.
1851 Ganthaniyañceva no ca ganthaṁ akusalaṁ dhammaṁ paṭicca ganthaniyo ceva no ca gantho akusalo dhammo uppajjati hetupaccayā… tīṇi.
1852 Ganthañceva ganthaniyaṁ akusalañca ganthaniyañceva no ca ganthaṁ akusalañca dhammaṁ paṭicca gantho ceva ganthaniyo ca akusalo dhammo uppajjati hetupaccayā… tīṇi. (Saṁkhittaṁ.)
27. 1853 Hetuyā nava, ārammaṇe nava, adhipatiyā nava…pe… avigate nava. (Saṁkhittaṁ.)
1854 Nahetuyā ekaṁ, naadhipatiyā nava…pe… nakamme tīṇi…pe… navippayutte nava. (Saṁkhittaṁ.)
1855 (Sahajātavārampi…pe… sampayuttavārampi paṭiccavārasadisaṁ vitthāretabbaṁ.)
28. 1856 Gantho ceva ganthaniyo ca akusalo dhammo ganthassa ceva ganthaniyassa ca akusalassa dhammassa hetupaccayena paccayo. (Saṁkhittaṁ.)
29. 1857 Hetuyā nava, ārammaṇe nava, adhipatiyā nava…pe… kamme āhāre indriye jhāne tīṇi…pe… avigate nava. (Saṁkhittaṁ.)
30. 1858 Nahetuyā nava, naārammaṇe nava. (Saṁkhittaṁ.)
1859 Hetupaccayā naārammaṇe nava. (Saṁkhittaṁ.)
1860 Nahetupaccayā ārammaṇe nava. (Saṁkhittaṁ.)
1861 (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
31. 1862 Ganthaniyañceva no ca ganthaṁ abyākataṁ dhammaṁ paṭicca ganthaniyo ceva no ca gantho abyākato dhammo uppajjati hetupaccayā. (Saṁkhittaṁ.)
32. 1863 Hetuyā ekaṁ, ārammaṇe ekaṁ…pe… avigate ekaṁ. (Saṁkhittaṁ.)
1864 (Sahajātavārepi…pe… pañhāvārepi sabbattha ekaṁ.)