Saññojanagocchaka, Kusalattika
Saññojanavippayuttasaññojaniyaduka, Kusalattika
Paṭiccādivāra
Paccayacatukka
Hetu
42. 1784 Saññojanavippayuttaṁ saññojaniyaṁ kusalaṁ dhammaṁ paṭicca saññojanavippayutto saññojaniyo kusalo dhammo uppajjati hetupaccayā. (1)
1785 Saññojanavippayuttaṁ asaññojaniyaṁ kusalaṁ dhammaṁ paṭicca saññojanavippayutto asaññojaniyo kusalo dhammo uppajjati hetupaccayā. (1)
43. 1786 Hetuyā dve, ārammaṇe dve…pe… avigate dve. (Saṁkhittaṁ.)
1787 (Yathā cūḷantaraduke lokiyadukasadisaṁ. Sahajātavāropi…pe… pañhāvāropi sabbattha vitthāretabbā.)
44. 1788 Saññojanavippayutto saññojaniyo akusalo dhammo saññojanavippayuttassa saññojaniyassa akusalassa dhammassa ārammaṇapaccayena paccayo. (Saṁkhittaṁ.)
45. 1789 Ārammaṇe ekaṁ. (Sabbattha ekaṁ, saṁkhittaṁ.)
46. 1790 Saññojanavippayuttaṁ saññojaniyaṁ abyākataṁ dhammaṁ paṭicca saññojanavippayutto saññojaniyo abyākato dhammo uppajjati hetupaccayā. (1)
1791 Saññojanavippayuttaṁ asaññojaniyaṁ abyākataṁ dhammaṁ paṭicca saññojanavippayutto asaññojaniyo abyākato dhammo uppajjati hetupaccayā. Saññojanavippayuttaṁ asaññojaniyaṁ abyākataṁ dhammaṁ paṭicca saññojanavippayutto saññojaniyo abyākato dhammo uppajjati hetupaccayā. Saññojanavippayuttaṁ asaññojaniyaṁ abyākataṁ dhammaṁ paṭicca saññojanavippayutto saññojaniyo abyākato ca saññojanavippayutto asaññojaniyo abyākato ca dhammā uppajjanti hetupaccayā. (3)
1792 Saññojanavippayuttaṁ saññojaniyaṁ abyākatañca saññojanavippayuttaṁ asaññojaniyaṁ abyākatañca dhammaṁ paṭicca saññojanavippayutto saññojaniyo abyākato dhammo uppajjati hetupaccayā. (1) (Saṁkhittaṁ.)
47. 1793 Hetuyā pañca, ārammaṇe dve, adhipatiyā pañca…pe… āsevane ekaṁ, kamme pañca, vipāke pañca…pe… avigate pañca. (Saṁkhittaṁ.)
1794 Nahetuyā ekaṁ, naārammaṇe tīṇi, naadhipatiyā dve, napurejāte cattāri, napacchājāte pañca, naāsevane pañca, nakamme ekaṁ, navipāke ekaṁ, navippayutte dve…pe… novigate tīṇi. (Saṁkhittaṁ.)
1795 (Sahajātavāropi…pe… sampayuttavāropi paṭiccavārasadisā.)
48. 1796 Saññojanavippayutto saññojaniyo abyākato dhammo saññojanavippayuttassa saññojaniyassa abyākatassa dhammassa hetupaccayena paccayo. (Saṁkhittaṁ.)
49. 1797 Hetuyā cattāri, ārammaṇe tīṇi, adhipatiyā cattāri, anantare cattāri…pe… sahajāte pañca, aññamaññe dve, nissaye satta, upanissaye cattāri, purejāte pacchājāte dve, āsevane ekaṁ, kamme…pe… magge cattāri, sampayutte dve, vippayutte tīṇi…pe… avigate satta. (Saṁkhittaṁ.)
50. 1798 Nahetuyā satta, naārammaṇe satta. (Saṁkhittaṁ.)
1799 Hetupaccayā naārammaṇe cattāri. (Saṁkhittaṁ.)
1800 Nahetupaccayā ārammaṇe tīṇi. (Saṁkhittaṁ.)
1801 (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
1802 Saññojanagocchakakusalattikaṁ niṭṭhitaṁ.