Saññojanagocchaka, Kusalattika
Saññojanasampayuttaduka, Kusalattika
Kusalākusalapada
Pañhāvāra
Hetu
25. 1748 Saññojanasampayutto akusalo dhammo saññojanasampayuttassa akusalassa dhammassa hetupaccayena paccayo. (1)
1749 Saññojanavippayutto akusalo dhammo saññojanasampayuttassa akusalassa dhammassa hetupaccayena paccayo. (1)
1750 Saññojanasampayutto akusalo dhammo saññojanasampayuttassa akusalassa dhammassa ārammaṇapaccayena paccayo… nava.
1751 Saññojanasampayutto akusalo dhammo saññojanasampayuttassa akusalassa dhammassa adhipatipaccayena paccayo. (1) (Saṁkhittaṁ.)
26. 1752 Hetuyā dve, ārammaṇe nava, adhipatiyā ekaṁ, anantare samanantare nava, sahajāte aññamaññe nissaye pañca, upanissaye āsevane nava, kamme tīṇi, āhāre indriye jhāne magge tīṇi, sampayutte pañca, atthiyā pañca…pe… avigate pañca. (Saṁkhittaṁ.)