Āsavagocchaka, Kusalattika
Āsavasampayuttaduka, Kusalattika
Akusalapada
Hetu
22. 1629 Āsavasampayuttaṁ akusalaṁ dhammaṁ paṭicca āsavasampayutto akusalo dhammo uppajjati hetupaccayā… tīṇi.
1630 Āsavavippayuttaṁ akusalaṁ dhammaṁ paṭicca āsavasampayutto akusalo dhammo uppajjati hetupaccayā. (1)
1631 Āsavasampayuttaṁ akusalañca āsavavippayuttaṁ akusalañca dhammaṁ paṭicca āsavasampayutto akusalo dhammo uppajjati hetupaccayā. (1) (Saṁkhittaṁ.)
23. 1632 Hetuyā pañca, ārammaṇe pañca…pe… avigate pañca. (Saṁkhittaṁ. Sahajātavārepi…pe… sampayuttavārepi sabbattha pañca.)
1633 Nahetuyā ekaṁ, naadhipatiyā pañca, napurejāte pañca…pe… nakamme tīṇi, navipāke pañca, navippayutte pañca. (Saṁkhittaṁ.)
24. 1634 Āsavasampayutto akusalo dhammo āsavasampayuttassa akusalassa dhammassa hetupaccayena paccayo… tīṇi.
1635 Āsavavippayutto akusalo dhammo āsavasampayuttassa akusalassa dhammassa hetupaccayena paccayo. (1)
1636 Āsavasampayutto akusalo ca āsavavippayutto akusalo ca dhammā āsavasampayuttassa akusalassa dhammassa hetupaccayena paccayo. (1) (Saṁkhittaṁ.)
25. 1637 Hetuyā pañca, ārammaṇe nava, adhipatiyā ekaṁ, anantare samanantare nava, sahajāte aññamaññe nissaye pañca, upanissaye āsevane nava, kamme āhāre indriye jhāne magge tīṇi, sampayutte pañca…pe… avigate pañca. (Saṁkhittaṁ.)
1638 (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)