Hetu

23. 1516 Appaṭighaṁ kusalaṁ dhammaṁ paṭicca appaṭigho kusalo dhammo uppajjati hetupaccayā. (Saṁkhittaṁ.)

24. 1517 Hetuyā ekaṁ, ārammaṇe ekaṁ…pe… vippayutte ekaṁ…pe… avigate ekaṁ. (Saṁkhittaṁ.)

1518 (Sahajātavārepi…pe… pañhāvārepi sabbattha ekaṁ.)

25. 1519 Appaṭighaṁ akusalaṁ dhammaṁ paṭicca appaṭigho akusalo dhammo uppajjati hetupaccayā. (Saṁkhittaṁ.)

1520 Hetuyā ekaṁ…pe… avigate ekaṁ (pañhāvārepi sabbattha ekaṁ.)