Cūḷantaraduka, Kusalattika
Sanidassanaduka, Kusalattika
Abyākatapada
Pañhāvāra
Paccayacatukka
Hetvādi
21. 1507 Anidassano abyākato dhammo anidassanassa abyākatassa dhammassa hetupaccayena paccayo… tīṇi.
1508 Sanidassano abyākato dhammo anidassanassa abyākatassa dhammassa ārammaṇapaccayena paccayo. (1)
1509 Anidassano abyākato dhammo anidassanassa abyākatassa dhammassa ārammaṇapaccayena paccayo. (1)
1510 Sanidassano abyākato dhammo anidassanassa abyākatassa dhammassa adhipatipaccayena paccayo— ārammaṇādhipati. (1)
1511 Anidassano abyākato dhammo anidassanassa abyākatassa dhammassa adhipatipaccayena paccayo— ārammaṇādhipati, sahajātādhipati. Anidassano abyākato dhammo sanidassanassa abyākatassa ca anidassanassa abyākatassa ca dhammassa adhipatipaccayena paccayo— sahajātādhipati. (2)
1512 Sanidassano abyākato dhammo anidassanassa abyākatassa dhammassa upanissayapaccayena paccayo— pakatūpanissayo. (1)
1513 Anidassano abyākato dhammo anidassanassa abyākatassa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo…pe… . (1) (Saṁkhittaṁ.)
22. 1514 Hetuyā tīṇi, ārammaṇe dve, adhipatiyā tīṇi, anantare ekaṁ…pe… sahajāte tīṇi, aññamaññe ekaṁ, nissaye tīṇi, upanissaye dve, purejāte tīṇi, pacchājāte tīṇi, āsevane ekaṁ, kamme tīṇi, vipāke tīṇi (sabbattha tīṇi) sampayutte ekaṁ, vippayutte tīṇi, atthiyā pañca, natthiyā ekaṁ…pe… avigate pañca. (Saṁkhittaṁ.)
1515 Sanidassanadukakusalattikaṁ niṭṭhitaṁ.
(Appaccayampi asaṅkhatampi sanidassanampi na labbhati.)