Naadhipati

73. 1409 Hetuñceva hetusampayuttañca kusalaṁ dhammaṁ paṭicca hetu ceva hetusampayutto ca kusalo dhammo uppajjati naadhipatipaccayā. (Saṁkhittaṁ.)

74. 1410 Naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava. (Saṁkhittaṁ.)

1411 Hetupaccayā naadhipatiyā nava. (Saṁkhittaṁ.)

1412 Adhipatipaccayā hetuyā nava. (Saṁkhittaṁ.)

1413 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)