Hetugocchaka, Kusalattika
Sahetukaduka, Kusalattika
Akusalapada
Paṭiccādivāra
Paccayacatukka
Hetu-ārammaṇa
9. 1259 Sahetukaṁ akusalaṁ dhammaṁ paṭicca sahetuko akusalo dhammo uppajjati hetupaccayā. (1)
1260 Ahetukaṁ akusalaṁ dhammaṁ paṭicca sahetuko akusalo dhammo uppajjati hetupaccayā. (1)
1261 Sahetukaṁ akusalañca ahetukaṁ akusalañca dhammaṁ paṭicca sahetuko akusalo dhammo uppajjati hetupaccayā. (1)
1262 Sahetukaṁ akusalaṁ dhammaṁ paṭicca sahetuko akusalo dhammo uppajjati ārammaṇapaccayā. Sahetukaṁ akusalaṁ dhammaṁ paṭicca ahetuko akusalo dhammo uppajjati ārammaṇapaccayā. Sahetukaṁ akusalaṁ dhammaṁ paṭicca sahetuko akusalo ca ahetuko akusalo ca dhammā uppajjanti ārammaṇapaccayā. (3)
1263 Ahetukaṁ akusalaṁ dhammaṁ paṭicca sahetuko akusalo dhammo uppajjati ārammaṇapaccayā. (1)
1264 Sahetukaṁ akusalañca ahetukaṁ akusalañca dhammaṁ paṭicca sahetuko akusalo dhammo uppajjati ārammaṇapaccayā. (1)
1265 Sahetukaṁ akusalaṁ dhammaṁ paṭicca sahetuko akusalo dhammo uppajjati adhipatipaccayā. (Saṁkhittaṁ.)
10. 1266 Hetuyā tīṇi, ārammaṇe pañca, adhipatiyā ekaṁ, anantare pañca, samanantare pañca, sahajāte pañca, aññamaññe pañca, nissaye pañca, upanissaye pañca, purejāte pañca, āsevane pañca, kamme pañca, āhāre pañca, indriye pañca, jhāne pañca, magge pañca, sampayutte pañca, vippayutte pañca, atthiyā pañca, natthiyā pañca, vigate pañca, avigate pañca. (Saṁkhittaṁ.)