Mahantaraduka, Kusalattika
Cittasampayuttaduka, Kusalattika
Abyākatapada
Hetu
33. 2078 Cittasampayuttaṁ abyākataṁ dhammaṁ paṭicca cittasampayutto abyākato dhammo uppajjati hetupaccayā. Cittasampayuttaṁ abyākataṁ dhammaṁ paṭicca cittavippayutto abyākato dhammo uppajjati hetupaccayā. Cittasampayuttaṁ abyākataṁ dhammaṁ paṭicca cittasampayutto abyākato ca cittavippayutto abyākato ca dhammā uppajjanti hetupaccayā. (3)
2079 Cittavippayuttaṁ abyākataṁ dhammaṁ paṭicca cittavippayutto abyākato dhammo uppajjati hetupaccayā. Cittavippayuttaṁ abyākataṁ dhammaṁ paṭicca cittasampayutto abyākato dhammo uppajjati hetupaccayā. Cittavippayuttaṁ abyākataṁ dhammaṁ paṭicca cittasampayutto abyākato ca cittavippayutto abyākato ca dhammā uppajjanti hetupaccayā. (3)
2080 Cittasampayuttaṁ abyākatañca cittavippayuttaṁ abyākatañca dhammaṁ paṭicca cittasampayutto abyākato dhammo uppajjati hetupaccayā. Cittasampayuttaṁ abyākatañca cittavippayuttaṁ abyākatañca dhammaṁ paṭicca cittavippayutto abyākato dhammo uppajjati hetupaccayā. Cittasampayuttaṁ abyākatañca cittavippayuttaṁ abyākatañca dhammaṁ paṭicca cittasampayutto abyākato ca cittavippayutto abyākato ca dhammā uppajjanti hetupaccayā. (3) (Saṁkhittaṁ.)
34. 2081 Hetuyā nava, ārammaṇe tīṇi, adhipatiyā pañca…pe… aññamaññe cha…pe… purejāte ekaṁ, āsevane ekaṁ, kamme nava, vipāke nava…pe… avigate nava. (Saṁkhittaṁ.)
2082 Nahetuyā nava, naārammaṇe tīṇi, naadhipatiyā nava…pe… napurejāte nava…pe… nakamme dve, navipāke pañca, naāhāre ekaṁ, naindriye ekaṁ, najhāne dve, namagge nava, nasampayutte tīṇi, navippayutte dve…pe… novigate dve. (Saṁkhittaṁ, sahajātavārādi vitthāretabbo.)