Mahantaraduka, Kusalattika
Cittaduka, Kusalattika
Paṭiccādivāra
Paccayacatukka
Hetu
9. 2031 Cittaṁ kusalaṁ dhammaṁ paṭicca nocitto kusalo dhammo uppajjati hetupaccayā. (1)
2032 Nocittaṁ kusalaṁ dhammaṁ paṭicca nocitto kusalo dhammo uppajjati hetupaccayā. Nocittaṁ kusalaṁ dhammaṁ paṭicca citto kusalo dhammo uppajjati hetupaccayā. Nocittaṁ kusalaṁ dhammaṁ paṭicca citto kusalo ca nocitto kusalo ca dhammā uppajjanti hetupaccayā. (3)
2033 Cittaṁ kusalañca nocittaṁ kusalañca dhammaṁ paṭicca nocitto kusalo dhammo uppajjati hetupaccayā. (1) (Saṁkhittaṁ.)
10. 2034 Hetuyā pañca, ārammaṇe pañca (sabbattha pañca), avigate pañca. (Saṁkhittaṁ.)
2035 Naadhipatiyā pañca, napurejāte pañca, napacchājāte pañca, naāsevane pañca, nakamme tīṇi, navipāke pañca, navippayutte pañca. (Saṁkhittaṁ.)
2036 (Sahajātavārampi…pe… sampayuttavārampi vitthāretabbaṁ.)
11. 2037 Nocitto kusalo dhammo nocittassa kusalassa dhammassa hetupaccayena paccayo. Nocitto kusalo dhammo cittassa kusalassa dhammassa hetupaccayena paccayo. Nocitto kusalo dhammo cittassa kusalassa ca nocittassa kusalassa ca dhammassa hetupaccayena paccayo. (3) (Saṁkhittaṁ.)
12. 2038 Hetuyā tīṇi, ārammaṇe nava, adhipatiyā nava, anantare nava…pe… sahajāte aññamaññe nissaye pañca, upanissaye āsevane nava, kamme tīṇi, āhāre indriye pañca, jhāne magge tīṇi, sampayutte pañca…pe… avigate pañca. (Saṁkhittaṁ.)
2039 Nahetuyā nava, naārammaṇe nava. (Saṁkhittaṁ.)
2040 Hetupaccayā naārammaṇe tīṇi. (Saṁkhittaṁ.)
2041 Nahetupaccayā ārammaṇe nava. (Saṁkhittaṁ.)
2042 (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
13. 2043 Cittaṁ akusalaṁ dhammaṁ paṭicca nocitto akusalo dhammo uppajjati hetupaccayā. (1)
2044 Nocittaṁ akusalaṁ dhammaṁ paṭicca nocitto akusalo dhammo uppajjati hetupaccayā. Nocittaṁ akusalaṁ dhammaṁ paṭicca citto akusalo dhammo uppajjati hetupaccayā. Nocittaṁ akusalaṁ dhammaṁ paṭicca citto akusalo ca nocitto akusalo ca dhammā uppajjanti hetupaccayā. (3)
2045 Cittaṁ akusalañca nocittaṁ akusalañca dhammaṁ paṭicca nocitto akusalo dhammo uppajjati hetupaccayā. (1) (Saṁkhittaṁ.)
14. 2046 Hetuyā pañca, ārammaṇe pañca…pe… avigate pañca. (Saṁkhittaṁ. Cittadukakusalasadisaṁ, nahetuyāpi kattabbaṁ. Sahajātavārampi…pe… pañhāvārampi kātabbaṁ.)
15. 2047 Cittaṁ abyākataṁ dhammaṁ paṭicca nocitto abyākato dhammo uppajjati hetupaccayā. (1)
2048 Nocittaṁ abyākataṁ dhammaṁ paṭicca nocitto abyākato dhammo uppajjati hetupaccayā. Nocittaṁ abyākataṁ dhammaṁ paṭicca citto abyākato dhammo uppajjati hetupaccayā. Nocittaṁ abyākataṁ dhammaṁ paṭicca citto abyākato ca nocitto abyākato ca dhammā uppajjanti hetupaccayā. (3)
2049 Cittaṁ abyākatañca nocittaṁ abyākatañca dhammaṁ paṭicca nocitto abyākato dhammo uppajjati hetupaccayā. (1) (Saṁkhittaṁ.)
16. 2050 Hetuyā pañca, ārammaṇe pañca…pe… vipāke pañca…pe… avigate pañca. (Saṁkhittaṁ.)
2051 Nahetuyā pañca, naārammaṇe tīṇi, naadhipatiyā pañca…pe… napurejāte napacchājāte naāsevane pañca, nakamme tīṇi, navipāke pañca, naāhāre ekaṁ, naindriye ekaṁ, najhāne pañca, namagge pañca, nasampayutte tīṇi, navippayutte pañca…pe… novigate tīṇi. (Saṁkhittaṁ.)
2052 (Sahajātavārampi…pe… sampayuttavārampi vitthāretabbaṁ.)
17. 2053 Nocitto abyākato dhammo nocittassa abyākatassa dhammassa hetupaccayena paccayo… tīṇi. (Cittadukakusalasadisaṁ vitthāretabbaṁ.)
18. 2054 Hetuyā tīṇi, ārammaṇe nava, adhipatiyā nava, anantare nava…pe… sahajāte pañca, aññamaññe nissaye pañca, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke pañca, āhāre indriye pañca, jhāne magge tīṇi, sampayutte pañca, vippayutte pañca, atthiyā pañca, natthiyā nava…pe… avigate pañca. (Saṁkhittaṁ.)