Mahantaraduka, Kusalattika
Upādinnaduka, Kusalattika
Paṭiccādivāra
Paccayacatukka
Hetu
98. 2221 Anupādinnaṁ kusalaṁ dhammaṁ paṭicca anupādinno kusalo dhammo uppajjati hetupaccayā. (Saṁkhittaṁ.)
2222 Hetuyā ekaṁ, ārammaṇe ekaṁ…pe… avigate ekaṁ. (Sabbattha ekaṁ. Saṁkhittaṁ. Sahajātavārepi…pe… pañhāvārepi ekaṁ sappaccayakusalasadisaṁ.)
99. 2223 Anupādinnaṁ akusalaṁ dhammaṁ paṭicca anupādinno akusalo dhammo uppajjati hetupaccayā. (Saṁkhittaṁ.)
2224 Hetuyā ekaṁ…pe… avigate ekaṁ. (Saṁkhittaṁ. Sahajātavārepi…pe… pañhāvārepi sabbattha ekaṁ.)
100. 2225 Upādinnaṁ abyākataṁ dhammaṁ paṭicca upādinno abyākato dhammo uppajjati hetupaccayā… tīṇi.
2226 Anupādinnaṁ abyākataṁ dhammaṁ paṭicca anupādinno abyākato dhammo uppajjati hetupaccayā. (1)
2227 Upādinnaṁ abyākatañca anupādinnaṁ abyākatañca dhammaṁ paṭicca anupādinno abyākato dhammo uppajjati hetupaccayā— upādinne khandhe ca mahābhūte ca paṭicca cittasamuṭṭhānaṁ rūpaṁ. (1) (Saṁkhittaṁ.)
101. 2228 Hetuyā pañca, ārammaṇe dve, adhipatiyā ekaṁ…pe… purejāte dve, āsevane ekaṁ, kamme pañca, vipāke pañca…pe… avigate pañca. (Saṁkhittaṁ.)
2229 Nahetuyā pañca, naārammaṇe cattāri, naadhipatiyā pañca…pe… napurejāte cattāri, napacchājāte naāsevane pañca, nakamme ekaṁ, navipāke dve, naāhāre dve, naindriye dve, najhāne dve, namagge pañca, nasampayutte cattāri, navippayutte dve, nonatthiyā cattāri, novigate cattāri. (Saṁkhittaṁ. Sahajātavārādi vitthāretabbo.)