Mahantaraduka, Kusalattika
Sārammaṇaduka, Kusalattika
Paṭiccādivāra
Paccayacatukka
Hetu
1. 2019 Sārammaṇaṁ kusalaṁ dhammaṁ paṭicca sārammaṇo kusalo dhammo uppajjati hetupaccayā (yathā sappaccayaṁ kusalaṁ, evaṁ vitthāretabbaṁ.)
2. 2020 Sārammaṇaṁ akusalaṁ dhammaṁ paṭicca sārammaṇo akusalo dhammo uppajjati hetupaccayā (yathā sappaccayaṁ akusalaṁ, evaṁ kātabbaṁ.)
3. 2021 Sārammaṇaṁ abyākataṁ dhammaṁ paṭicca sārammaṇo abyākato dhammo uppajjati hetupaccayā… tīṇi.
2022 Anārammaṇaṁ abyākataṁ dhammaṁ paṭicca anārammaṇo abyākato dhammo uppajjati hetupaccayā… tīṇi.
2023 Sārammaṇaṁ abyākatañca anārammaṇaṁ abyākatañca dhammaṁ paṭicca sārammaṇo abyākato dhammo uppajjati hetupaccayā… tīṇi. (Saṁkhittaṁ.)
4. 2024 Hetuyā nava, ārammaṇe tīṇi, adhipatiyā pañca…pe… aññamaññe cha…pe… purejāte ekaṁ, āsevane ekaṁ…pe… avigate nava. (Saṁkhittaṁ.)
2025 Nahetuyā nava, naārammaṇe tīṇi, naadhipatiyā nava…pe… napurejāte napacchājāte naāsevane nava, nakamme dve, navipāke pañca, naāhāre ekaṁ, naindriye ekaṁ, najhāne dve, namagge nava, nasampayutte tīṇi, navippayutte dve, nonatthiyā tīṇi, novigate tīṇi. (Saṁkhittaṁ.)