Hetuduka, Tika
Hetuduka, Dassanenapahātabbattika
Nevadassanenanabhāvanāyapahātabbapada
Paṭiccādivāra
Paccayacatukka
Nahetvādi
276. 557 Nahetuṁ nevadassanena nabhāvanāya pahātabbaṁ dhammaṁ paṭicca nahetu nevadassanena nabhāvanāya pahātabbo dhammo uppajjati nahetupaccayā.
558 Hetuṁ nevadassanena nabhāvanāya pahātabbaṁ dhammaṁ paṭicca nahetu nevadassanena nabhāvanāya pahātabbo dhammo uppajjati naārammaṇapaccayā. (1)
559 Nahetuṁ nevadassanena nabhāvanāya pahātabbaṁ dhammaṁ paṭicca nahetu nevadassanena nabhāvanāya pahātabbo dhammo uppajjati naārammaṇapaccayā. (1)
560 Hetuṁ nevadassanena nabhāvanāya pahātabbañca nahetuṁ nevadassanena nabhāvanāya pahātabbañca dhammaṁ paṭicca nahetu nevadassanena nabhāvanāya pahātabbo dhammo uppajjati naārammaṇapaccayā. (1)
561 Hetuṁ nevadassanena nabhāvanāya pahātabbaṁ dhammaṁ paṭicca hetu nevadassanena nabhāvanāya pahātabbo dhammo uppajjati naadhipatipaccayā. (Saṁkhittaṁ.)
277. 562 Nahetuyā ekaṁ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi. (Saṁkhittaṁ.)
563 Hetupaccayā naārammaṇe tīṇi. (Saṁkhittaṁ.)
564 Nahetupaccayā ārammaṇe ekaṁ. (Saṁkhittaṁ.)
565 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)