Hetuduka, Tika
Hetuduka, Saṃkiliṭṭhattika
Saṃkiliṭṭhasaṃkilesikapada
Pañhāvāra
Paccayacatukka
Hetvādi
190. 349 Hetu saṁkiliṭṭhasaṁkilesiko dhammo hetussa saṁkiliṭṭhasaṁkilesikassa dhammassa hetupaccayena paccayo… tīṇi.
350 Hetu saṁkiliṭṭhasaṁkilesiko dhammo hetussa saṁkiliṭṭhasaṁkilesikassa dhammassa ārammaṇapaccayena paccayo… nava.
351 Hetu saṁkiliṭṭhasaṁkilesiko dhammo hetussa saṁkiliṭṭhasaṁkilesikassa dhammassa adhipatipaccayena paccayo— ārammaṇādhipati… nava. (Saṁkhittaṁ.)
191. 352 Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, āhāre tīṇi, indriye tīṇi, jhāne tīṇi, magge tīṇi, sampayutte nava, atthiyā nava, natthiyā nava, vigate nava, avigate nava. (Saṁkhittaṁ.)