Hetuduka, Tika
Hetuduka, Upādinnattika
Anupādinnaanupādāniyapada
Paṭiccādivāra
Paccayacatukka
Naadhipati
179. 323 Hetuṁ anupādinnaanupādāniyaṁ dhammaṁ paṭicca hetu anupādinnaanupādāniyo dhammo uppajjati naadhipatipaccayā. Hetuṁ anupādinnaanupādāniyaṁ dhammaṁ paṭicca nahetu anupādinnaanupādāniyo dhammo uppajjati naadhipatipaccayā. (2)
324 Nahetuṁ anupādinnaanupādāniyaṁ dhammaṁ paṭicca nahetu anupādinnaanupādāniyo dhammo uppajjati naadhipatipaccayā. Nahetuṁ anupādinnaanupādāniyaṁ dhammaṁ paṭicca hetu anupādinnaanupādāniyo dhammo uppajjati naadhipatipaccayā. (2)
325 Hetuṁ anupādinnaanupādāniyañca nahetuṁ anupādinnaanupādāniyañca dhammaṁ paṭicca hetu anupādinnaanupādāniyo dhammo uppajjati naadhipatipaccayā. Hetuṁ anupādinnaanupādāniyañca nahetuṁ anupādinnaanupādāniyañca dhammaṁ paṭicca nahetu anupādinnaanupādāniyo dhammo uppajjati naadhipatipaccayā. (2) (Saṁkhittaṁ.)
180. 326 Naadhipatiyā cha, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava. (Saṁkhittaṁ.)
327 Hetupaccayā naadhipatiyā cha. (Saṁkhittaṁ.)
328 Naadhipatipaccayā hetuyā cha. (Saṁkhittaṁ.)
329 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)