Hetuduka, Tika
Hetuduka, Upādinnattika
Upādinnupādāniyapada
Paṭiccādivāra
Paccayacatukka
Nahetvādi
154. 273 Nahetuṁ upādinnupādāniyaṁ dhammaṁ paṭicca nahetu upādinnupādāniyo dhammo uppajjati nahetupaccayā. (1)
155. 274 Hetuṁ upādinnupādāniyaṁ dhammaṁ paṭicca nahetu upādinnupādāniyo dhammo uppajjati naārammaṇapaccayā. (1)
275 Nahetuṁ upādinnupādāniyaṁ dhammaṁ paṭicca nahetu upādinnupādāniyo dhammo uppajjati naārammaṇapaccayā. (1)
276 Hetuṁ upādinnupādāniyañca nahetuṁ upādinnupādāniyañca dhammaṁ paṭicca nahetu upādinnupādāniyo dhammo uppajjati naārammaṇapaccayā. (1)
156. 277 Hetuṁ upādinnupādāniyaṁ dhammaṁ paṭicca hetu upādinnupādāniyo dhammo uppajjati naadhipatipaccayā… nava…pe… .
157. 278 Nahetuṁ upādinnupādāniyaṁ dhammaṁ paṭicca nahetu upādinnupādāniyo dhammo uppajjati navipākapaccayā… naāhārapaccayā. (Saṁkhittaṁ.)
158. 279 Nahetuyā ekaṁ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, navipāke ekaṁ, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi.
280 Hetupaccayā naārammaṇe tīṇi. (Saṁkhittaṁ.)
281 Nahetupaccayā ārammaṇe ekaṁ. (Saṁkhittaṁ.)
282 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)