Hetuduka, Tika
Hetuduka, Vipākattika
Vipākapada
Paṭiccādivāra
Paccayacatukka
Hetu
108. 186 Hetuṁ vipākaṁ dhammaṁ paṭicca hetu vipāko dhammo uppajjati hetupaccayā. Hetuṁ vipākaṁ dhammaṁ paṭicca nahetu vipāko dhammo uppajjati hetupaccayā. Hetuṁ vipākaṁ dhammaṁ paṭicca hetu vipāko ca nahetu vipāko ca dhammā uppajjanti hetupaccayā. (3)
187 Nahetuṁ vipākaṁ dhammaṁ paṭicca nahetu vipāko dhammo uppajjati hetupaccayā… tīṇi.
188 Hetuṁ vipākañca nahetuṁ vipākañca dhammaṁ paṭicca hetu vipāko dhammo uppajjati hetupaccayā… tīṇi. (Saṁkhittaṁ.)
109. 189 Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte nava, kamme nava, vipāke nava, āhāre nava, indriye nava, jhāne nava, magge nava, sampayutte nava, vippayutte nava atthiyā nava, natthiyā nava, vigate nava, avigate nava. (Anulomaṁ.)