Hetuduka, Tika
Hetuduka, Ajjhattattika
Ajjhattapada
Paṭiccādivāra
Paccayacatukka
Nahetvādi
511. 1142 Nahetuṁ ajjhattaṁ dhammaṁ paṭicca nahetu ajjhatto dhammo uppajjati nahetupaccayā. Nahetuṁ ajjhattaṁ dhammaṁ paṭicca hetu ajjhatto dhammo uppajjati nahetupaccayā. (2)
1143 Hetuṁ ajjhattaṁ dhammaṁ paṭicca nahetu ajjhatto dhammo uppajjati naārammaṇapaccayā. (1)
1144 Nahetuṁ ajjhattaṁ dhammaṁ paṭicca nahetu ajjhatto dhammo uppajjati naārammaṇapaccayā. (1)
1145 Hetuṁ ajjhattañca nahetuṁ ajjhattañca dhammaṁ paṭicca nahetu ajjhatto dhammo uppajjati naārammaṇapaccayā. (1)
1146 Hetuṁ ajjhattaṁ dhammaṁ paṭicca hetu ajjhatto dhammo uppajjati naadhipatipaccayā. (Saṁkhittaṁ.)
512. 1147 Nahetuyā dve, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi. (Saṁkhittaṁ.)
1148 Hetupaccayā naārammaṇe tīṇi. (Saṁkhittaṁ.)
1149 Nahetupaccayā ārammaṇe dve. (Saṁkhittaṁ.)
1150 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)