Hetuduka, Tika
Hetuduka, Vedanāttika
Dukkhāyavedanāyasampayuttapada
Paṭiccādivāra
Paccayacatukka
Hetu
83. 140 Hetuṁ dukkhāya vedanāya sampayuttaṁ dhammaṁ paṭicca hetu dukkhāya vedanāya sampayutto dhammo uppajjati hetupaccayā. Hetuṁ dukkhāya vedanāya sampayuttaṁ dhammaṁ paṭicca nahetu dukkhāya vedanāya sampayutto dhammo uppajjati hetupaccayā. Hetuṁ dukkhāya vedanāya sampayuttaṁ dhammaṁ paṭicca hetu dukkhāya vedanāya sampayutto ca nahetu dukkhāya vedanāya sampayutto ca dhammā uppajjanti hetupaccayā. (3)
141 Nahetuṁ dukkhāya vedanāya sampayuttaṁ dhammaṁ paṭicca nahetu dukkhāya vedanāya sampayutto dhammo uppajjati hetupaccayā… tīṇi.
142 Hetuṁ dukkhāya vedanāya sampayuttañca nahetuṁ dukkhāya vedanāya sampayuttañca dhammaṁ paṭicca hetu dukkhāya vedanāya sampayutto dhammo uppajjati hetupaccayā… tīṇi. (Saṁkhittaṁ.)
84. 143 Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte nava, āsevane nava, kamme nava, vipāke ekaṁ, āhāre nava, indriye nava, jhāne nava, magge nava, sampayutte nava, vippayutte nava, atthiyā nava, natthiyā nava, vigate nava, avigate nava. (Anulomaṁ.)