Hetuduka, Tika
Hetuduka, Vedanāttika
Sukhāyavedanāyasampayuttapada
Paṭiccādivāra
Paccayacatukka
Hetu
67. 114 Hetuṁ sukhāya vedanāya sampayuttaṁ dhammaṁ paṭicca hetu sukhāya vedanāya sampayutto dhammo uppajjati hetupaccayā. Hetuṁ sukhāya vedanāya sampayuttaṁ dhammaṁ paṭicca nahetu sukhāya vedanāya sampayutto dhammo uppajjati hetupaccayā. Hetuṁ sukhāya vedanāya sampayuttaṁ dhammaṁ paṭicca hetu sukhāya vedanāya sampayutto ca nahetu sukhāya vedanāya sampayutto ca dhammā uppajjanti hetupaccayā. (3)
68. 115 Nahetuṁ sukhāya vedanāya sampayuttaṁ dhammaṁ paṭicca nahetu sukhāya vedanāya sampayutto dhammo uppajjati hetupaccayā. Nahetuṁ sukhāya vedanāya sampayuttaṁ dhammaṁ paṭicca hetu sukhāya vedanāya sampayutto dhammo uppajjati hetupaccayā. Nahetuṁ sukhāya vedanāya sampayuttaṁ dhammaṁ paṭicca hetu sukhāya vedanāya sampayutto ca nahetu sukhāya vedanāya sampayutto ca dhammā uppajjanti hetupaccayā. (3)
69. 116 Hetuṁ sukhāya vedanāya sampayuttañca nahetuṁ sukhāya vedanāya sampayuttañca dhammaṁ paṭicca hetu sukhāya vedanāya sampayutto dhammo uppajjati hetupaccayā. Hetuṁ sukhāya vedanāya sampayuttañca nahetuṁ sukhāya vedanāya sampayuttañca dhammaṁ paṭicca nahetu sukhāya vedanāya sampayutto dhammo uppajjati hetupaccayā. Hetuṁ sukhāya vedanāya sampayuttañca nahetuṁ sukhāya vedanāya sampayuttañca dhammaṁ paṭicca hetu sukhāya vedanāya sampayutto ca nahetu sukhāya vedanāya sampayutto ca dhammā uppajjanti hetupaccayā. (3) (Saṁkhittaṁ.)
70. 117 Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte nava, āsevane nava, kamme nava, vipāke nava, āhāre nava…pe… avigate nava. (Anulomaṁ.)