Hetuduka, Tika
Hetuduka, Atītārammaṇattika
Paccuppannārammaṇapada
Paṭiccādivāra
Paccayacatukka
Nahetu-naadhipati
503. 1120 Nahetuṁ paccuppannārammaṇaṁ dhammaṁ paṭicca nahetu paccuppannārammaṇo dhammo uppajjati nahetupaccayā. Nahetuṁ paccuppannārammaṇaṁ dhammaṁ paṭicca hetu paccuppannārammaṇo dhammo uppajjati nahetupaccayā. (2)
1121 Hetuṁ paccuppannārammaṇaṁ dhammaṁ paṭicca hetu paccuppannārammaṇo dhammo uppajjati naadhipatipaccayā. (Saṁkhittaṁ.)
504. 1122 Nahetuyā dve, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, najhāne ekaṁ, namagge ekaṁ, navippayutte nava. (Saṁkhittaṁ.)
1123 Hetupaccayā naadhipatiyā nava. (Saṁkhittaṁ.)
1124 Nahetupaccayā ārammaṇe dve. (Saṁkhittaṁ.)
1125 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)