Hetuduka, Tika
Hetuduka, Micchattaniyatattika
Aniyatapada
Paṭiccādivāra
Paccayacatukka
Nahetu-naārammaṇa
447. 971 Nahetuṁ aniyataṁ dhammaṁ paṭicca nahetu aniyato dhammo uppajjati nahetupaccayā. Nahetuṁ aniyataṁ dhammaṁ paṭicca hetu aniyato dhammo uppajjati nahetupaccayā. (2)
972 Hetuṁ aniyataṁ dhammaṁ paṭicca nahetu aniyato dhammo uppajjati naārammaṇapaccayā. (1)
973 Nahetuṁ aniyataṁ dhammaṁ paṭicca nahetu aniyato dhammo uppajjati naārammaṇapaccayā. (1)
974 Hetuṁ aniyatañca nahetuṁ aniyatañca dhammaṁ paṭicca nahetu aniyato dhammo uppajjati naārammaṇapaccayā. (1) (Saṁkhittaṁ.)
448. 975 Nahetuyā dve, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi. (Saṁkhittaṁ.)
976 Hetupaccayā naārammaṇe tīṇi. (Saṁkhittaṁ.)
977 Nahetupaccayā ārammaṇe dve. (Saṁkhittaṁ.)
978 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)