Hetuduka, Tika
Hetuduka, Micchattaniyatattika
Sammattaniyatapada
Pañhāvāra
Paccayacatukka
Hetu-adhipati
441. 958 Hetu sammattaniyato dhammo hetussa sammattaniyatassa dhammassa hetupaccayena paccayo… tīṇi.
959 Hetu sammattaniyato dhammo hetussa sammattaniyatassa dhammassa adhipatipaccayena paccayo— sahajātādhipati… tīṇi.
960 Nahetu sammattaniyato dhammo nahetussa sammattaniyatassa dhammassa adhipatipaccayena paccayo— sahajātādhipati… tīṇi. (Saṁkhittaṁ.)
442. 961 Hetuyā tīṇi, adhipatiyā cha, sahajāte nava, aññamaññe nava, nissaye nava, upanissaye nava, kamme tīṇi, āhāre tīṇi, indriye nava, jhāne tīṇi, magge nava, sampayutte nava, atthiyā nava, avigate nava. (Saṁkhittaṁ.)