Hetuduka, Tika
Hetuduka, Sekkhattika
Nevasekkhanāsekkhapada
Paṭiccādivāra
Paccayacatukka
Nahetu-naārammaṇādi
348. 730 Nahetuṁ nevasekkhanāsekkhaṁ dhammaṁ paṭicca nahetu nevasekkhanāsekkho dhammo uppajjati nahetupaccayā. Nahetuṁ nevasekkhanāsekkhaṁ dhammaṁ paṭicca hetu nevasekkhanāsekkho dhammo uppajjati nahetupaccayā. (2)
731 Hetuṁ nevasekkhanāsekkhaṁ dhammaṁ paṭicca nahetu nevasekkhanāsekkho dhammo uppajjati naārammaṇapaccayā. (1)
732 Nahetuṁ nevasekkhanāsekkhaṁ dhammaṁ paṭicca nahetu nevasekkhanāsekkho dhammo uppajjati naārammaṇapaccayā. (1)
733 Hetuṁ nevasekkhanāsekkhañca nahetuṁ nevasekkhanāsekkhañca dhammaṁ paṭicca nahetu nevasekkhanāsekkho dhammo uppajjati naārammaṇapaccayā. (1)
349. 734 Hetuṁ nevasekkhanāsekkhaṁ dhammaṁ paṭicca hetu nevasekkhanāsekkho dhammo uppajjati naadhipatipaccayā…pe… .
735 Hetuṁ nevasekkhanāsekkhaṁ dhammaṁ paṭicca hetu nevasekkhanāsekkho dhammo uppajjati napurejātapaccayā… tīṇi. (Saṁkhittaṁ.)
350. 736 Nahetuyā dve, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi. (Saṁkhittaṁ.)
737 Hetupaccayā naārammaṇe tīṇi. (Saṁkhittaṁ.)
738 Nahetupaccayā ārammaṇe dve. (Saṁkhittaṁ.)
739 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)