Hetuduka, Tika
Hetuduka, Ācayagāmittika
Nevācayagāmināpacayagāmipada
Paṭiccādivāra
Paccayacatukka
Nahetvādi
324. 666 Nahetuṁ nevācayagāmināpacayagāmiṁ dhammaṁ paṭicca nahetu nevācayagāmināpacayagāmī dhammo uppajjati nahetupaccayā. (1)
667 Hetuṁ nevācayagāmināpacayagāmiṁ dhammaṁ paṭicca nahetu nevācayagāmināpacayagāmī dhammo uppajjati naārammaṇapaccayā. (1)
668 Nahetuṁ nevācayagāmināpacayagāmiṁ dhammaṁ paṭicca nahetu nevācayagāmināpacayagāmī dhammo uppajjati naārammaṇapaccayā. (1)
669 Hetuṁ nevācayagāmināpacayagāmiñca nahetuṁ nevācayagāmināpacayagāmiñca dhammaṁ paṭicca nahetu nevācayagāmināpacayagāmī dhammo uppajjati naārammaṇapaccayā. (1)
670 Hetuṁ nevācayagāmināpacayagāmiṁ dhammaṁ paṭicca hetu nevācayagāmināpacayagāmī dhammo uppajjati naadhipatipaccayā…pe… .
671 Hetuṁ nevācayagāmināpacayagāmiṁ dhammaṁ paṭicca hetu nevācayagāmināpacayagāmī dhammo uppajjati napurejātapaccayā… tīṇi.
672 Hetuṁ nevācayagāmināpacayagāmiṁ dhammaṁ paṭicca hetu nevācayagāmināpacayagāmī dhammo uppajjati napacchājātapaccayā…pe… .
673 Hetuṁ nevācayagāmināpacayagāmiṁ dhammaṁ paṭicca nahetu nevācayagāmināpacayagāmī dhammo uppajjati nakammapaccayā. (Saṁkhittaṁ.)
325. 674 Nahetuyā ekaṁ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi. (Saṁkhittaṁ.)
675 Hetupaccayā naārammaṇe tīṇi. (Saṁkhittaṁ.)
676 Nahetupaccayā ārammaṇe ekaṁ. (Saṁkhittaṁ.)
677 (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)