Hetuduka, Tika
Hetuduka, Kusalattika
Akusalapada
Paṭiccādivāra
Paccayacatukka
Naadhipatyādi
32. 48 Hetuṁ akusalaṁ dhammaṁ paṭicca hetu akusalo dhammo uppajjati naadhipatipaccayā… nava…pe… .
49 Hetuṁ akusalaṁ dhammaṁ paṭicca nahetu akusalo dhammo uppajjati nakammapaccayā. (1)
50 Nahetuṁ akusalaṁ dhammaṁ paṭicca nahetu akusalo dhammo uppajjati nakammapaccayā. (1)
51 Hetuṁ akusalañca nahetuṁ akusalañca dhammaṁ paṭicca nahetu akusalo dhammo uppajjati nakammapaccayā. (1) (Saṁkhittaṁ.)
33. 52 Nahetuyā ekaṁ, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava. (Paccanīyaṁ.)
53 Hetupaccayā naadhipatiyā nava. (Saṁkhittaṁ, anulomapaccanīyaṁ.)
54 Nahetupaccayā ārammaṇe ekaṁ. (Saṁkhittaṁ, paccanīyānulomaṁ.)
55 (Sahajātavārampi paccayavārampi nissayavārampi saṁsaṭṭhavārampi sampayuttavārampi paṭiccavārasadisā vitthāretabbā.)