Hetuduka, Tika
Hetuduka, Kusalattika
Akusalapada
Paṭiccādivāra
Paccayacatukka
Hetu
27. 43 Hetuṁ akusalaṁ dhammaṁ paṭicca hetu akusalo dhammo uppajjati hetupaccayā. Hetuṁ akusalaṁ dhammaṁ paṭicca nahetu akusalo dhammo uppajjati hetupaccayā. Hetuṁ akusalaṁ dhammaṁ paṭicca hetu akusalo ca nahetu akusalo ca dhammā uppajjanti hetupaccayā. (3)
28. 44 Nahetuṁ akusalaṁ dhammaṁ paṭicca nahetu akusalo dhammo uppajjati hetupaccayā. Nahetuṁ akusalaṁ dhammaṁ paṭicca hetu akusalo dhammo uppajjati hetupaccayā. Nahetuṁ akusalaṁ dhammaṁ paṭicca hetu akusalo ca nahetu akusalo ca dhammā uppajjanti hetupaccayā. (3)
29. 45 Hetuṁ akusalañca nahetuṁ akusalañca dhammaṁ paṭicca hetu akusalo dhammo uppajjati hetupaccayā. Hetuṁ akusalañca nahetuṁ akusalañca dhammaṁ paṭicca nahetu akusalo dhammo uppajjati hetupaccayā. Hetuṁ akusalañca nahetuṁ akusalañca dhammaṁ paṭicca hetu akusalo ca nahetu akusalo ca dhammā uppajjanti hetupaccayā. (3)
30. 46 Hetuyā nava, ārammaṇe nava, adhipatiyā nava…pe… kamme nava, āhāre nava…pe… avigate nava. (Saṁkhittaṁ, anulomaṁ.)