Hetuduka, Tika
Hetuduka, Kusalattika
Kusalapada
Paṭiccādivāra
Paccayacatukka
Hetu
1. 2 Hetuṁ kusalaṁ dhammaṁ paṭicca hetu kusalo dhammo uppajjati hetupaccayā. Hetuṁ kusalaṁ dhammaṁ paṭicca nahetu kusalo dhammo uppajjati hetupaccayā. Hetuṁ kusalaṁ dhammaṁ paṭicca hetu kusalo ca nahetu kusalo ca dhammā uppajjanti hetupaccayā. (3)
2. 3 Nahetuṁ kusalaṁ dhammaṁ paṭicca nahetu kusalo dhammo uppajjati hetupaccayā. Nahetuṁ kusalaṁ dhammaṁ paṭicca hetu kusalo dhammo uppajjati hetupaccayā. Nahetuṁ kusalaṁ dhammaṁ paṭicca hetu kusalo ca nahetu kusalo ca dhammā uppajjanti hetupaccayā. (3)
3. 4 Hetuṁ kusalañca nahetuṁ kusalañca dhammaṁ paṭicca hetu kusalo dhammo uppajjati hetupaccayā. Hetuṁ kusalañca nahetuṁ kusalañca dhammaṁ paṭicca nahetu kusalo dhammo uppajjati hetupaccayā. Hetuṁ kusalañca nahetuṁ kusalañca dhammaṁ paṭicca hetu kusalo ca nahetu kusalo ca dhammā uppajjanti hetupaccayā. (3)