Tipitaka2500tipitaka2500.github.io

1.6 Chakkauddesa

1.6. ฉัก์กอุท์เทส

Mātikā

Chakkauddesa

12. 159 Cha puggalā—

160 Atthekacco puggalo pubbe ananussutesu dhammesu sāmaṁ saccāni abhisambujjhati, tattha ca sabbaññutaṁ pāpuṇāti balesu[17] ca vasībhāvaṁ. Atthekacco puggalo pubbe ananussutesu dhammesu sāmaṁ saccāni abhisambujjhati, na ca tattha sabbaññutaṁ pāpuṇāti na ca balesu[18] vasībhāvaṁ. Atthekacco puggalo pubbe ananussutesu dhammesu sāmaṁ saccāni anabhisambujjhati, diṭṭhe ceva dhamme dukkhassantakaro hoti sāvakapāramiñca pāpuṇāti. Atthekacco puggalo pubbe ananussutesu dhammesu sāmaṁ saccāni anabhisambujjhati, diṭṭheva dhamme dukkhassantakaro hoti, na ca sāvakapāramiṁ pāpuṇāti. Atthekacco puggalo pubbe ananussutesu dhammesu sāmaṁ saccāni anabhisambujjhati, na ca diṭṭheva dhamme dukkhassantakaro hoti, anāgāmī hoti anāgantā[19] itthattaṁ. Atthekacco puggalo pubbe ananussutesu dhammesu sāmaṁ saccāni anabhisambujjhati, na ca diṭṭheva dhamme dukkhassantakaro hoti, āgāmī[20] hoti āgantā itthattaṁ.

161 Chakkaṁ.

  1. balesu: phalesu (pā1) (Word Variant) ↩
  2. balesu: phalesu (pā1) (Word Variant) ↩
  3. anāgantā: anāgantvā (syā1-3, pā1, ka-ma) 15A4:1011 (Word Variant) ↩
  4. āgāmī: sotāpannasakadāgāmī (syā1-3, ka-ma), sakadāgāmī (pā1) (Word Variant) ↩