Niddesa
Aṭṭhakathākaṇḍa
Dukaatthuddhāra
Āsavagocchaka
Āsavavippayuttasāsavaduka
1475. 2186 Katame dhammā āsavavippayuttā sāsavā? Dvīsu domanassasahagatesu cittuppādesu uppanno moho, vicikicchāsahagato moho, uddhaccasahagato moho, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ— ime dhammā āsavavippayuttā sāsavā.
1476. 2187 Katame dhammā āsavavippayuttā anāsavā? Cattāro maggā apariyāpannā, cattāri ca sāmaññaphalāni, nibbānañca— ime dhammā āsavavippayuttā anāsavā. Āsavasampayuttā dhammā na vattabbā— āsavavippayuttā sāsavātipi, āsavavippayuttā anāsavātipi.