Niddesa
Aṭṭhakathākaṇḍa
Tikaatthuddhāra
Upādinnattika
1393. 2099 Katame dhammā upādinnupādāniyā? Tīsu bhūmīsu vipāko, yañca rūpaṁ kammassa katattā— ime dhammā upādinnupādāniyā.
1394. 2100 Katame dhammā anupādinnupādāniyā? Tīsu bhūmīsu kusalaṁ, akusalaṁ, tīsu bhūmīsu kiriyābyākataṁ, yañca rūpaṁ na kammassa katattā— ime dhammā anupādinnupādāniyā.
1395. 2101 Katame dhammā anupādinnaanupādāniyā? Cattāro maggā apariyāpannā, cattāri ca sāmaññaphalāni, nibbānañca— ime dhammā anupādinnaanupādāniyā.