Niddesa
Aṭṭhakathākaṇḍa
Tikaatthuddhāra
Ajjhattārammaṇattika
1436. 2142 Katame dhammā ajjhattārammaṇā? Viññāṇañcāyatanaṁ, nevasaññānāsaññāyatanaṁ— ime dhammā ajjhattārammaṇā.
1437. 2143 Katame dhammā bahiddhārammaṇā? Rūpāvacaratikacatukkajjhānā kusalato ca vipākato ca kiriyato ca, catutthassa jhānassa vipāko, ākāsānañcāyatanaṁ, cattāro maggā apariyāpannā cattāri ca sāmaññaphalāni— ime dhammā bahiddhārammaṇā. Rūpaṁ ṭhapetvā, sabbeva kāmāvacarā kusalākusalābyākatā dhammā, rūpāvacaraṁ catutthaṁ jhānaṁ kusalato ca kiriyato ca— ime dhammā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā. Ākiñcaññāyatanaṁ na vattabbaṁ ajjhattārammaṇantipi, bahiddhārammaṇantipi, ajjhattabahiddhārammaṇantipi. Rūpañca nibbānañca anārammaṇā.