Niddesa
Aṭṭhakathākaṇḍa
Tikaatthuddhāra
Sekkhattika
1414. 2120 Katame dhammā sekkhā? Cattāro maggā apariyāpannā, heṭṭhimāni ca tīṇi sāmaññaphalāni— ime dhammā sekkhā.
1415. 2121 Katame dhammā asekkhā? Upariṭṭhimaṁ arahattaphalaṁ— ime dhammā asekkhā.
1416. 2122 Katame dhammā nevasekkhanāsekkhā[131]? Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ, rūpañca, nibbānañca— ime dhammā nevasekkhanāsekkhā.
- nevasekkhanāsekkhā: nevasekhā nāsekhā (sī), nevasekkhā nāsekkhā (syā1), nevasekkhānāsekkhā (syā2, syā3), neva sekkhā nāsekkhā (pā1) (Word Variant) ↩